ការប្រើប្រាស់កុំព្យូទ័ររាល់ថ្ងៃអ្នកពិតជាពិបាកក្នុងការគ្រប់គ្រងទិន្នន័យនិងកម្មវិធីរបស់ខ្លួនណាស់
ពេល
ខ្លះមានអ្នកផ្សេងចូលមកបើកកុំព្យូទ័ររបស់អ្នកដើម្បីមានបំណង
ធ្វើអ្វីមួយ
ហើយអ្នកខ្លះដើម្បីលេងហ្គេមឬកម្មវិធីអ្វីផ្សេងៗជាដើម។
តែពេលខ្លះអ្នកមានអារម្មណ៍ថាធុញទ្រាន់ឬមិនចង់ឱ្យមានអ្នកដទៃ
ប៉ះពាល់កុំព្យូទ័រឬបើកកម្មវិធីរបស់អ្នកលេង។
តើអ្នកត្រូវធ្វើដូចម្ដេច? ជាការពិតដើម្បីបិទឬចាក់សោកម្មវិធីក្នុងកុំព្យូទ័ររបស់អ្នក មិនឱ្យអ្នកដទៃលេងនោះ អ្នកអាចធ្វើបានជាមួយ CM ដោយអនុវត្តនូវវិធីសាស្ត្រដូចខាងក្រោម៖
១. ដំបូងអ្នកត្រូវទាញយកកម្មវិធីឈ្មោះ Windows Application Blocker ពី CD របស់ទស្សនាវដ្ដីវិទ្យាសាស្ត្រកុំព្យូទ័រលេខ ១០៤ឬនៅលើគេហទំព័ររបស់ទស្សនាវដ្ដី CM។
២. បន្ទាប់មកអ្នកអាច Extract វាទៅកាន់ទីតាំងណាមួយដែលងាយស្រួលរក ហើយត្រូវចុចបើកកម្មវិធីនេះ។ ពេលនោះវានឹងចេញផ្ទាំងមួយ Enter Password ។ដួចនេះអ្នកមិនចាំបាច់វាយលេខសម្ងាត់ទេ ដោយគ្រាន់តែចុច OK យក។
៣. ក្រោយមកវានឹងចេញផ្ទាំងមួយទៀតដើម្បីឱ្យអ្នកវាយឈ្មោះកម្មវិធី របស់អ្នកចូល ដូចនេះអ្នកត្រូវវាយឈ្មោះកម្មវិធីណាមួយដែលអ្នកចង់ Block នោះចូល រួចចុចលើ Block ។ តែបើកម្មវិធីខ្លះអ្នកមិនដឹងថាវាយឈ្មោះចូលយ៉ាងម៉េចអ្នកត្រូវ ចុចលើ Shortcut កម្មវិធីនោះហើយចុច Right Click យក Properties ពេលនោះអ្នកនឹងឃើញឈ្មោះកម្មវិធីរបស់អ្នកនៅក្នុងប្រអប់ Target ហើយអ្នកអាចដាក់ក្នុង Application Executable Name រួចចុចលើ Block ។
៤. នៅពេលនោះកម្មវិធីរបស់អ្នកនឹងត្រូវបាន Block ។ ហើយអ្នកអាចចុចបិទកម្មវិធីនេះរួចសាកបើកកម្មវិធីដែលអ្នក Block នោះមើល។ វានឹងចេញផ្ទាំងមួយដូចខាងក្រោម៖
៥. ដើម្បីដាក់លេខសម្ងាត់មិនឱ្យគេបើកចូលកម្មវិធី Windows Application Blocker អ្នកអាចចុចលើ Change Password រួចចុចវាយលេខសម្ងាត់របស់អ្នករួចចុច OK ។
៦. នៅទីបញ្ចប់អ្នកអាចគ្រប់គ្រងទៅកម្មវិធីដែលមាននៅក្នុងកុំព្យូទ័រ របស់អ្នកបានហើយ។ ម្យ៉ាងវិញទៀតដើម្បីដោះ Block ឬ Unblock កម្មវិធីណាមួយឡើងវិញអ្នកត្រូវចុចបើកកម្មវិធី Windows Application Blocker រួចចុចបញ្ចូលលេងសម្ងាត់របស់អ្នក ហើយចុច OK ។
៧. ក្រោយមកទៀតចុចលើកម្មវិធីដែលអ្នកចង់ដោះ Block នោះវិញរួចចុចលើ Unblock ជាការស្រេច៕
